Programi

KURSET
Programi realizohet gjatë një viti, nëpërmjet minimumi 3 kurseve tre-ditore ne periudhen janar-nëntor. Çdo kurs përmban leksione/prezantime, seanca pyetje/përgjigje, punë në grupe mbi raste studimore, lojra me stimulime, diskutime publike, etj. Lektorët e ftuar ne kurset e programit të Shkollës përfshijnë akademikë, ekspertë, politikanë, të zgjedhur ne nivel lokal dhe qëndror, përfaqësues të trupit diplomatik, medias, OJQ-ve dhe ish pjesëmarrës të programit. Ata jane eksperte te nivelit kombëtar dhe ndërkombëtar dhe jane zgjedhur me kujdes qe te japin nje ndërthurje te mire të aspekteve teorike dhe praktike të temave të programit të Shkollës.
Kurset organizohen jashte kryeqytetit dhe ofrojne nje game te gjere temash te cilat jane te alteruara cdo vit. Pervec programit akademik kurset ofrojne edhe veprimtari shoqerore dhe rekreative per pjesemarresit.

SEMINARET
Seminaret janë aktivitete qe zakonisht organizohen në periudhën midis kurseve kombëtare. Qëllimi i tyre është të thellojë debatin mbi temat që janë pjesë e kurseve dhe / ose nuk mund të mbulohen mjaftueshem, si edhe edhe për të ruajtur frekuencën e takimeve. Seminaret mund të organizohen në formë të trajnimeve dhe seminareve, me qëllim për të krijuar aftësi të veçanta tek pjesemarresit.
 
FORUMI BOTEROR I DEMOKRACISE
Në vitin 2006, me qëllim rritjen e profilit/vizibilitetit të programit dhe forcimit të lidhjeve ndërmjet pjesëmarrësve nga shkolla të ndryshme, seminaret përfundimtare për të gjitha shkolla u shkrinë në një eveniment të vetëm të madh, Universiteti i Verës për Demokraci. Ky është një takim i përvitshëm i pjesëmarrësve të Shkollave të Studimeve Politike në Strasbourg i organizuar nga Këshilli i Evropës. Rreth 600 lidera te ardhshëm takohen për të ndarë, shkëmbyer dhe koordinuar ide, aktivitete dhe debatojnë mbi tematika të ndryshme. Në vitin 2012, ky organizim u transformua në Forumin Botëror të Demokracisë, ku përveç pjesëmarrësve të shkollave, takohen së bashku në Strasburg aktivistë të njohur të shoqërisë civile, akademikë dhe drejtues politikë. 

TAKIMET & VIZITA STUDIMORE
Takimet me zyrtarët e lartë shteterore dhe vizitat studimore, janë pjesë e seminareve dhe kane si qëllim te njohin të pranishmit me organizimin dhe funksionimin e institucioneve politike dhe të qeverisë nëpërmjet kontaktit të drejtpërdrejtë. 
 
POLITIKA PUBLIKE
Analizat apo iniciativat publike të pjesëmarrësve synojnë të japin kontribut në hartimin dhe zbatimin e politikave publike si edhe te nxisin pjesëmarrjen e qytetarëve në proçeset vendimmarrëse.